નાવિકની ભક્તિ

નાવિક વળતો બોલિયો, સાંભળો માહરા સ્વામ; સાથ સહુ કો નાવે બેસો,નહિં બેસાડું રામ. વાર્તા મેં સાંભળી છે, ચરણ રેણુની અપાર; અહલ્યા ત્યાં સ્ત્રી થઈ સહી, પાષાણ ફીટી નાર. આજીવિકા માહરી એહ છે, જુઓ મન વિવેક; સ્ત્રી થાતાં વાર ન લાગે, કાષ્ટ પાષાણ એક. આજીવિકા ભાંગે માહરી,આગે એક સ્ત્રી છે ઘેર; બે મળીને શું જમે? શી કરું ત્યાં પેર? હસી વિશ્વામિત્ર બોલીયા, ચરણ–રેણે સ્ત્રી થાય ; તે માટે ગંગાજળ લેઈને, પખાળો હરિ–પાય. હસીને હરિ હેઠા બેઠા, રામ અશરણ-શર્ણ; નાવિકે ગંગાજળ લેઈને,પખાળ્યા ત્યાં ચર્ણ. - ભાલણ